ԹԱՐԳՄԱՆՉԱՑ ՏՕՆ ԵՒ ՄՇԱԿՈՅԹԻ ՇԱԲԱԹ’
ԱՐԱՄԵԱՆ- ՈՒՆՃԵԱՆ ՎԱՐԺԱՐԱՆԻ
Հոկտեմբեր ամսուան մուտքով սկսաւ Թարգմանչաց Տօնի և Մշակոյթի Շաբթուան գործունէութիւններուն պատրաստութիւնները: Շաբթուան ամէն մէկ օրը տարբեր ցուցադրութեան որոշում տրուեցաւ տնօրէնութեան և ուսուցչաց կողմէ: Այս տարուան բնաբանն էր «ՀԱՅԿԱԿԱՆ ԽԱՉՔԱՐԵՐ» :
Ուսուցչուհի Եւգինէ Ինճիտիւզէն մշակոյթը կազմող տարրերը բացատրեց և լուսանկարիչ Հրայր Բազէ Խաչերեանի կողմէ նկարուած զանազան երկիրներու մէջի խաչքարերու և մշակոյթի նմոյշներու օրինակները տեսաերիզի մը միջոցաւ ցուցադրեց որ աշակերտները մեծ հետաքրքրութեամբ դիտեցին:
Գծագրութեան ժամուն ալ խաչքարներ ծրագրելով էջադիրներ պատրաստեցին
Դասարաններու պարախումբերը մարզասրահին մէջ ներկայացուցին Հայկական ժողովրդակապ պարերէ փունջ մը որ տղաքը ծափողջիւններով մասնակցեցան այս խրախճանքին:
Տիկին Արշալոյս Պալմումճու Հայկական խոհանոցի ճաշերէն խաւիծը բացատրեց, բաղադրիչները համրեց և աշակերտներուն հետ միասին եփեցին: Յետոյ համտեսեցին:
Ուսուցչուհի Նելլի Պասմաճեան մատենադարանի, մատեանի, գրիչի, ծաղկողի, մագաղաթի և որդան կարմիրի մասին տեղեկութիւններ տալով նկարները ցուցուց: Միևնոյն ժամանակ մագաղաթի լուսապատճէններ բաժնեց, աշակերտները կարմիր մատիտ (իբր որդան կարմիր) գործածելով հայերէն գիրեր գրեցին, զարդարեցին և ցուցադրեցին: Մինչ այդ սրահին անկիւնն ալ Մեսրոպ Մաշտոցի կերպարով նստած էր աշակերտ Այգ Այգաչ և կը հետեւէր ներկայացման:
Ուրբաթ օրը վերջ գտաւ Թարգմանչաց Տօնի և Մշակոյթի շաբթուան տօնակատարութիւնները , այսօրուան հանդիսութեան ներկայ էին նաև ծնողներն ալ:
Վարժարանի բոլոր դասարաններու աշակերտները բեմ բարձրանալով արտասանեցին, պարեցին, երգեցին և իրենց ներկայացումները կատարեցին: Իսկ Միջնակարգի աշակերտները օրաթարիոյ մը ներկայացուցին ( Մեսրոպ Մաշտոցի կեանքը, գիրերու գիւտը, Աստուածաշունչի թարգմանութիւնը, Ոսկեդարը, թարգմանիչները, հանելուկներ):
Հադէսը վերջ գտաւ Տնօրէնուհի Թալին Պէրպէրօղլուի սրտի խօսքով որ
շնորհակալութիւն յայտնեց բոլոր ուսուցիչներուն և աշակերտներուն:
Հանդէսը պատրաստող ուսուցիչներն էին. Աննա Սարը Սեչկին, Թամար Մանկասար, Էլիզապէթ Քապէ, Մելիս Սօլաքօղլու,Վերա Հէմէնկիւլ, Այլին Եսայեան, Թամայ Եըլմազ,Այլին Քէշիշօղլու, Էսրա Էօզալբ, Հրանդ Չիզմէճեան Քրիստին Տելլալօղլու:
Տիկին Թալին արտայայտուեցաւ նաև օրակարգի նիւթը եղող Արամեանի սան Տարօն Աճէմօղլուի արժանացած և մեզի մեծ պարծանք պատճառող Նօպէլեան մրցանակին մասին:
Տարօն Աճէմօղլուին աշակերտութեան նկարները ցոյց տուաւ:
Տնօրէնութիւնը 2019 ին մայրը Տիկին Իրմա Աճէմօղլուին (10 տարի Արամեանին մէջ տնօրէնութիւն ըրած էր) Յիշատակութեան օր մը կազմակերպած էր: Տարօն Աճէմօղլուն ալ ներկայ գտնուած էր այդ ոգեկոչման հանդիսութեան:
Այդ օրուան տեսաերիզները ցցնելով աշակերտներուն յորդորեց որ Տարօնին նման յաջողութիւններ ձեռք ձգեն և մեր ազգին պատիւ բերեն: Աշակերտները, ուսուցիչները, ծնողները բուռն ծափերով ողջունեցին Տարօն Աճէմօղլուն:
Այդ ուրախ տրամադրութեամբ մեկնեցան վարժարանէն:
